கவுண்டமணி நாயகனாக நடிக்கும் ‘ஒத்த ஓட்டு முத்தையா’

சென்னை: நீண்ட இடைவெளிக்குப் பிறகு நடிகர் கவுண்டமணி முதன்மைக் கதாபாத்திரத்தில் நடிக்கும் புதிய படத்துக்கு ‘ஒத்த ஓட்டு முத்தையா’ என பெயரிடப்பட்டுள்ளது.

தமிழ் சினிமாவில் 80, 90 காலக்கட்டத்தில் தனது நகைச்சுவையால் தனி முத்திரை பதித்தவர் கவுண்டமணி. 2010-ம் ஆண்டுக்குப் பிறகு அவர் நடிப்பதை வெகுவாக குறைந்துக்கொண்டார். அந்த வகையில் நீண்ட இடைவெளிக்குப்பிறகு கடந்த 2015-ம் ஆண்டு அவர் முதன்மை கதாபாத்திரத்தில் நடித்த ‘49-O’ படம் வெளியானது. தொடர்ந்து ‘எனக்கு வேறு எங்கும் கிளைகள் கிடையாது’, ‘வாய்மை’ உள்ளிட்ட படங்களில் நடித்திருந்தார். ஆனால் 2016-க்குப் பிறகு அவர் எந்தப் படங்களில் நடிக்கவில்லை.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்